Winelenan : Menjadikan Mata Menjadi Terang Secara Supranatural.

Winelenan sapakem se nuwu yana maka ngaran tuur se welen, capute setou kumeli keli em belen nila ma sere, sa se tou masere ca pilaan sila sumere se caka serean ne tou. Sila se sumere si capilaan ne tou kumeli keli si tou tumengkolem mande maka patem manure-nure. Sa se wutul terang masere ca u ke si maka patem karapi se yo ure tumengkol seren nem ila wo. Se maka welen kapute si tou kele si anio sila pakua e tou maka kamang lebe ca pute se tou kumeli keli.

Se tou si winelenan kapute se tou kea ca ke mei keleystu ke sila awean enda se apo ila wo maka welwn kena. Ca pakasa se tou esa nenda mande pira eng toyaang kumiit se apo ila wayake esa wo rua sila wawean welen kea. Si winelenan kea sa u maka pendang ase tou makila sia rona mamuali kinawelenan taan ca pakasa se tou mapa ajar o mamuali. Sekakeli sila se masale kawelenan wayake se tou maka engat sa u se sisilen anio wutul seila makakila o enen ila sa mamualim ase owak ila. Waweane ke sa sila maka engat si winelenan anio sa u sila maka taney terang se pook ila tumengkolem. Aweane keey sila make nanyo um pabuyen nila ase tou si maka patem o mangila patik isinila ase meki-meki untung.

Winelenan andior wo pa paken ila se tou andior wo waya ke se paken ila sa u awean wuyen ila sapakem eng katou touena eng kilaena eng sapake kinamamualian asia taan cau wana tou si tinaaran o kolaen I tou walina. Ka mamualiane ke a si tou ma paken anio sa u sia masale wutul sumere si tou sa u awean kinauntepan e reges sapakem nana se reges loor wo lewo. Se kapira a sila maka sapa ke kapilaan maka papad se mukur taan sa u seren I tou walina ca kapilaan. Se winelenan kea aweanke se walian wo se pakampetan mee turu eng kamamulian nampe se tou cama sere se reges anio kinawelenan. Si makakelike kilaen e tou in tepe sau sila masale kawelenan wayake makasa ase endo nitu, ranona poopo rowar se makasaru mico nindona an dangka taan ca u lumepok an tana o elepen sapape u nitu sia kumemes namona make ranona uran am patiisan ang kesot wale eng katoda wengi. Sa wutul sia maka elurem eng nowak sama o wee I kamang Amang Kasuruan wangko sapakem kasaleana ca tumera.

Read More

Pe Pedis : Hukuman Adat Pembawa Ilmu.

Ngaran anio sa u an dior wo maka keli se tou maka inde sa u aweanem kar ke sa kapilaan se tou tenan e mutung ang ka sea ana makakeli. Sa u tenan pe pedis ca asal ke sa u kapilaan ta em belen, aweane keey sa tenan pe pedis se tou caka pendamana wo cakapilaanta se tempo nitu. Sau ca owak na si tenan, se tou anduruna se kokopusana ato sapape se kapunyaana. Se pa tenan pepedis se makakeli si ca kapilaan seyla ca kumiit sepa wanti I matua, anitu pe ca kilaan ila sip aka wanti e matua makes a sila susud eng tatawoyen wo ka waya wayaan ila mabisa pe sila mange ambisa.

Kabiasaan ne makakeli sau awean tou eng pedisen pakasa se tou ang roong u nitu pinalakat u matua an doong tambisa se endo kawisa awean se tou ujine sa u sia mesea o rayca. Se tonaas wo walian tu’a rinangatan o sia me’I si endo u nitu. Pakasa se matu’a mator eng nitu sila mu’ung ase watu tumotowa eng kapute se andiorwo sa awean roong ambitu wawean watu tumotowa. Si tou yana si maka langkoyen nunuwu matua ase roong maka saru moko ase andior watu situm pe eng kikina lebeng an tana karangka eng rudurna.

Sa u seren ung kanaramen a nitu sa si tou paka anggapen ne matua kaka langkoyana teke ke, se tou kumiit eng kanaramen anio wayake toyo sila waya esa tonaas, esa walian, papatik, wo se makila unitu sisiilen. Sa u ka dapatan se kasea ana ca langkoy wangker kanaramen nitu tantu raramean. Sapakem se tou mee pe pedis u nitu ca si tou ke sumapa sapa. Kanaramen anio kiit’I e tou tonaas wangko, walian wangko, papatik, pamuis, tumitiwa, panekenan, kopero, ukung tua wo meweteng ase roong nitu. Pakasa waya sila makere tatawoyen ca kapute (siilen anio siilen oka ase sisiilen weyna).

Pakasa eng keli tenan ni pepedis anio kapendamana ase tempo ke nitu. Awean se tenan ke kilat, kyaret I uled maka bisa wo paka rempoten ne totowen an dangka in tana. Awean sila maka tena mange meleles tumengkol, awean se yorona mapad, makere sasakiten paso repet wo se pepedisen walina. Matua ung wawean ngaran wangko se andiorwo maka ngaran Tumitiwa, situm ase tempo u nitu makakiit ngaran ‘Putung Tumitiwa’ makad In tepe kakilaan ta

Read More