Posok : Poso atau Pantangan

Se poso anio ca u makapute ung ngaran roong kapute roong an tayang. Poso maka untep ka sinouw e matua eng caka toro emaan ta sa u cita melali wentel, mange asi makatampa ang kapelian, mange tumawoy, mange ma uma, em pakasa tatar e matua ca u rona langkoyanta luminted ke cita awean ase kayobaan anio akad cita myatem. In tepe maka kelim si yo pa kiiten ila se nuwu loor matua andior wokakensaan se kayobaan anio pakua ila maka canggim situm sila yo mapake se pakua poso u nitu. Kapute eng tatandaan ne se tou mange pe ambisa makakeli waweanem turu e kayobaan eng caka toro maya wo kumapa sapa sapakem.

Awean si paka tandaan ne tinanem, em papiaraanta wo se tinandaan ni kayobaan. Eng lumebe mange asitu eng sisilenta se poso si sila eng mapalali wentel. Keli eng cakatoroan eng pa posoan sila si melali wentel. Sa kiit sama si wentel eng loor eng wee I apo ta ca kar wo keli poso sila kumiit eng papendangen in u nure wo. Sa ciit intepe sila si mabali wentel yana pakua I matua esa ke eng catoro langkoyen ila sapakem nitu sa si patik ang sangapulu nuwu e Amang Kasuruan Jesus. Sapakem sila se maka timboy yana eng kapilaan oka pute si tou ca u mananey. Eng kakopusna wo pemali-malina se owakna e eluran sama. Sa seren in tepe sila se maka timboy wentel pute oka kukuwa tou u Tumompaso ‘Panemberan’ oka eng keli eng paka turu turu na. Kelian tou u makiit Ormas wo Lsm intepe eng kukuwa ila Tuama tantu Minahasa maka kelim eng nindo na ma timboy maka penemberan o penombongan sila waya, eng situm cua I matua mindo ke si owakna esa.

Eng tou pawentelan in tepe em pelalin lalin ila maka kelim pakemun ila ase ilmu ang kesot eng caka kilaan ila yo mapute ato maweynam ase ilmu a cita, situm eng makakeli paposoan ila yo si kawutulan na. Sumapape se keli asila yo maka bayam  se caka toro ang kaka langkoy-langkoy em pa kiit pa timboy-timboyan ila.Kaserean ke sila si maka timboy se ilmu ang kesot ca u loor sila sa lingan ato serenta sila makua ca rona lumangkoy ang amiona pa weladan karey kumapa melali si wentel ca u loor yana ang pasomoyan ne tou. Sa u kiit siana si patimboyan ila ca u loor.

Sisil e matua kakeli em paposoan eng paka langkoyen ne tou maka keli si apo makatampa asi wentel em papalalinta makakeli makurang ato ca sea mange si apo tumintas, situm eng kataneyanta si tou malali yana myakala asi tempoke u nitu sia yo maka timboy eng kilaana asia pe. Makase ke sa u sia melali si wentel yana taan rona mekiampung wo eluren wareng ke si wentelna yana, wo kakereana se kapute andiorwo. Kapendamen ke mio si em palalin-lalinta sa u yo matena ato yo mamuali eng kamamualian wekarenem mange nana nampe ca wulinsuna mange ko kumapa ko matengkol. Sisil anio engtudana pakasa e tou malali wentel eng kapunyaan e Minahasa Tumompaso. Keleystu e pook.