Si Wengkow Wasiat.

Awean si rua mekalo, si esa mauma wo si esa maka wengkow wasiat. Asi endo makasa si mauma mang e sumere I numaana niusebena in tande. Cateka mange sia anuma, sia lumendong o menere nere pakasa se I yusebena anumana. Serenam si tandena nindoanem I wio’o. sumere un nitu maka taneyem sia asi kalona maka wengkow wasiat. Marengem sia ambale meki taledenam si kalona unitu, cateka mange si panentoan oka kalona wo sisilana waya sapa nimamuali anumana siendo unitu. Yawo cuana asi kalona ‘ronake yaku mangere im wengkowenu?’ sowat I kalona; rokna, taan caam tala, en sa talanum ca kiimku sawelan imbalina. 

Yawo sia mangem asi anumana. Cateka mange anumana  komaana se wio’o medame-dame antandena. Yawo pilasena  mange embengkowna asi esa wio’o, o se wio unitu tumintas. Entoana akad I mando o tondeyana. O sia marengem ambale, o sisilana asi kalona si niemakna in tepe. Kuanem I kalona warengen ke mange usuien. Mange warengena tumondey enkarapi I wengkow a tincas I wio’o. sia memaya maya ma tondey. O mangayaka sumere in lalan wangker . kiitena silalan nitu akad sia metaled o si esa tou. Kuanem si tou unitu asia mabisako? Sowatana, mengatpe tawoien. Sitou nitu mewali wali in doong unitu. Kuanam masaleko te’tekanku? Sowatanam, masale, taan mareng oka me’I, enaku mareng pe wo.

Mareng me’I si karua, meyem tumawoy osia mamuy  sapa reen en tawoyanku. Kuanem I tounitu tawoyenu kumembut in susune asi toyaangku. Sa kakembutanu  weeku sia mamuali penanaanu. Akad tuun kinakembutana. O si wewene unitu mamuali penanaana. Maya mange pira un taun maka toyaangem rua sila, siesa tuama wosiesa wewene. Meem mange sila maka taney mareng andoong in tuama. Maali imbiir palalin an doong in tuama unitu mayaam sila. Sila lumangkoy an tampa kinamamualian wo. Mange sitampa nitu sapa imamuali. Si inang I toyaang membus o mamuali wiyoo. Sumere nitu si toyaang mame, o si toyaang keey mamuali wiyoo. Tumintasem serua toyaang maali imbiir, o sila keey mamuali wiyoo o sumia imbiir nitu akad mamuali awu. O si matelew nambitu myasusa, o sia mokey cita nanyo a yo memputean reen. Mangem baya camo a yo pute reen cita. Ma ila ila mange o indoon in taan kumapa pa bengkowen ni tou. Yawo mange sia andoong nimeloolos ke mange asi kalona sia ong karapina nimaali mange sia em bengkow si cumilaka karua toyaangana wo penanaana.